मानव अधिकार

महोत्तरीमा कथित बोक्सी आरोपमा फेरि दलित महिलासहित उनका परिवारका सदस्यमाथि नै कुटपिट भएको छ । गौशाला नगरपालिका– ११, लक्ष्मीनियाका चन्द्रशेखर यादव, सन्तोष यादव, विनोद पासमान र राम केवल भनिने केवल महतो नुनियाले मंगलबार स्थानीय ६६ वर्षीया इतरियादेवी रामसहित परिवारका ६ सदस्यहरूमाथि आक्रमण गरेका हुन् । कुटपिटबाट इतरियादेवी, श्रीमान् रामचन्द्र राम, छोराहरू देवेन्द्र राम र सुरेन्द्र राम तथा बुहारीहरू सम्तोलियादेवी र सुन्दरदेवी घाइते भएको जिल्ला प्रहरी कार्यालय महोत्तरीका प्रवक्ता डिएसपी दिलीपकुमार गिरीले जानकारी दिए ।