अभियान

ऋषि पुन्नाखर ढकाल क्यालिफोर्नियाका लागि नेपाल सरकारका तर्फबाट अवैतनिक महावाणिज्यदूत हुनुहुन्छ । ढकाललाई नेपाल सरकारले पहिलोपटक सन् २०१३ मा अवैतनिक वाणिज्यदूत नियुक्त गरेको थियो । २०१५ मा अवैतनिक महावाणिज्यदूत नियुक्त गरिएकोमा अहिसम्म त्यसैलाई निरन्तरता दिइएको छ । महावाणिज्यदूत ढकाल तयारी पोशाक र हस्तकलाका बस्तु नेपालबाट अमेरिका आयात गर्ने एक अग्रणी व्यवसायीका रूपमा स्थापित हुनुहुन्छ । अमेरिकाको पश्चिम तटीय राज्य क्यालिफोर्नियालाई आधार क्षेत्र मानेर आफ्नो व्यापार प्रवर्धनका साथै नेपाल र नेपालीपनको जगेर्ना गर्नमा ढकाल सकृय रहदै आउनुभएको छ । सन् २००५ मा अमेरिका आउनु भएका ढकालको राइजिङ इन्टरनेशनल इन्क सन् २०१३ सम्म नेपालबाट तेस्रो मुलुकमा निर्यात हुने वस्तुको अग्रणी आयातकर्ता भई सकेको थियो ।