खेलकुद

न्युयोर्क  न्युयोर्क । गिनिज वुक वफ वल्र्डमा पार्कर खेलाडी दिनेश सुनारले अर्काे सफलताको रेकर्ड राख्न सफल हुनुभएको छ । पार्कर खेलाडी सुनारले जिम्नास्टिक खेल अन्तरगत पर्ने “द मस्ट ब्लाइन्ड फोल्डेड ब्याकवार्ड समरसल्ट इन ३० सेकेन्ड” बिधामा १४ पटक सम्म आँखा बन्द गरि आँखामा पट्टी बाँधेर हात नटेकिकन पछाडि उल्टि हानेर नयाँ रेकर्ड थप गर्नु भएको हो ।  गत ७ डिसेम्बर २०२४ का दिन सिटि अफ एक्रोनवार्ड टु गभरमेन्टको आयोजनामा संयुक्त राज्य अमेरिकाको ओहायो राज्यको एक्रोन शहरमा भएको एक्रोन इन्टरनेशनल डान्स फेस्टिबल कार्यक्रमको अबसरमा विभिन्न फरक देशका ३०० भन्दा बढी दर्शकहरुको अगाडि रेकर्ड प्रस्तुत गरि उक्त रेकर्ड दाबी गिनिज बुकलाई पठाएका थिए ।  गिनिजबुक अफ वर्ल्ड रेकर्डको हेडक्वाटरले उक्त रेकर्डलाई (२० डिसेम्बर २०२५) रेकर्डको मान्यता दिएको हो ।