शिक्षा

प्राज्ञिक क्षेत्रमा भइरहेको ‘अति राजनीतीकरण’ले क्याम्पसदेखि विश्वविद्यालयसम्मको शैक्षिक सुधारलाई अवरुद्ध गराइरहेको छ त्रिविको गुणस्तर, क्षमता अभिवृद्धि र नेपाली समाजको निराशालाई हटाउने बाटोमा २१औँ शताब्दीको नेपालको उच्च शिक्षाले भूमिका खेल्न सकेको छैन । तसर्थ, नेपालको उच्च शिक्षा सुधारको मुख्य पाटो त्रिभुवन विश्वविद्यालय (त्रिवि)सितै जोडिन्छ । उच्च शिक्षाको सुधारका लागि पटक–पटक सञ्चालनमा आएका सुधार परियोजनामध्ये पहिलो दुई चरणमा (सन्‌ १९९४–२००१ र २००७–२०१४) र दोस्रो २०१५–२०२२ बारे वस्तुगत र प्राज्ञिक लेखाजोखा भएकै छैन । ०४६ पछि देशका विभिन्न स्थानमा नयाँ विश्वविद्यालय खोलिए पनि करिब ७९ प्रतिशत विद्यार्थी त्रिविमै रहनु र त्रिविलाई सम्बन्धन दिने ‘कर्पोरेट संस्था’ बनाइएका कारण एक हजार ४५५ क्याम्पसमध्ये एक हजार १४४ त्रिविसँग आबद्ध छन् ।