रास्ट्रीय खेलकूद परिषद नेपालकी वोर्ड सदस्य नन्दा बस्याल अमेरिकामा सम्मानित

नासो कम्युनीटी अमेरिकाले रास्ट्रीय खेलकूद परिषद नेपालकी केन्द्रीय वोर्ड सदस्य श्री नन्दा बस्याललाई सम्मान गरेको छ । नेपालबाट अमेरिका भ्रमणमा रहनु भएकी बोर्ड सदस्य नन्दा बस्याललाई अमेरिकाको, बाल्टिमोरमा नासो कम्युनीटिले सम्मान गरेको हो । 

उहाँलाई नेपाल सकारको अमेरिका स्थित अवैतनिक बाणिज्यदूत तथा सम्मान कार्यक्रमका प्रमुख अतिथि प्रेम राजा महतले सम्मान गर्नुभएको थियो । कार्यक्रममा  नासो कम्युनिटीले प्रमाणपत्रले सम्मान गरेको थियो ।
कार्यक्रममा स्वागत र शुभ–कामना तथा खेल तथा नृत्य समेत आयोजना गरिएको थियो ।  उक्त कार्यक्रममा आफूलाई सम्मान गरिएको भन्दै आयोजकलाई खेलकुद परिषद बोर्ड सदस्य बस्यालले धन्यवाद दिनुभयो । 

कार्यक्रममा एनआरएनए मेरिल्याण्ड च्याप्टरका अध्यक्ष्य कुल गुरुङ्ग, नासोका पुर्व अध्यक्ष गोपाल विश्वकर्मा, राजेन्द्र सेन्चुरी लगायत नासोका केन्द्रीय समितिका उपाध्यक्षद्वय दुर्गा विश्वकर्मा, सुमित्रा नेपाली, कोशाध्यक्ष ज्ञानेन्द्र गहतराज, पुर्व दलित आयोग सदस्य कृष्ण चुनारा, समाजसेवी दिलीप नेपाली, वेल विश्वकर्मा, मनिलाल सुनार, सुरेश कोइराला, एभरेस्ट तेक्वान्दोका मास्टर सन्जीव नेपाली लगायतका अथितिहरुको सहभागी रहेको थियो 

नासो कम्युनीटी अमेरिकाका केन्द्रीय अधय्क्ष रविलाल सुनारको अध्यक्षतमा कार्यक्रम गरिएको थियो । कार्यक्रमको सञ्चालन संस्थाका महासचिव राजन सुनारले गर्नु भएको थियो ।