नेपाल अमेरिका अन्तर्राष्ट्रिय चलचित्र महोत्सव सम्पन्न ,‘रेड सुडकेस’ चलचित्र प्रदर्शन गर्दै ढोर पाटन चलचित्र लगायत पुरस्कृत

नेपाल अमेरिका फिल्म फेस्टिभल(चलचित्र महोत्सव)को सातौ संस्करण सम्पन्न भएको छ । चार दिनसम्म अमेरिकाको मेरिल्याण्ड राज्यको सिल्भर स्प्रिङस्थित एएफआई सिल्भर थिएटर(चलचित्र मन्दिर )मा चलेको महोसत्व (फेस्टिभल)मा ३५ फिल्म स्क्रिनिङ(प्रदर्शन) गरिएको थियो ।

रेड सुडकेस चलचित्र प्रदर्शन गर्दै ढोर पाटन चलचित्र लगायतलाई उत्सवको अन्तिम दिन पुरस्कृत गरिएको थियो । नेपाल अमेरिका फिल्म सोसाइटीको आयोजनामा भएको महोत्सवको मुख्य विधा ‘बेस्ट न्यारेटिभ इन्टरनेसनल’मा इरानको चलचित्र ‘प्रवीण’ उत्कृष्ट बन्यो ।

निर्णायक मण्डल (जुरी) संयोजकमा नेपाली चलचित्र निर्माता दीपक रौनियार र सदस्यहरुमा नीना स्ट्रेइच, रेविका बस्तामेन्टी, माइकल ब्राउन, ल्यारी एंगेल रहेका थिए । समापन समारोहमा निर्देशक नवीन सुब्बा र अभिनेता दयाहाङ राई पनि उपस्थित थिए ।

अभिनेता सुब्बाले नेपाली डायस्पोरामा नेपाली चलचित्रको प्रवर्धनमा उत्सव महत्वपूर्ण हुने बताए । उनले आफू सकेसम्म नियमितरुपमा महोत्सव (फेस्टिभल)मा सहभागि हुने जनाए । अभिनेता राईले आफ्नो अघिल्लो चलचित्र ‘सेतो सूर्य’देखि नै महोत्सव (फेस्टिभल)मा निरन्तरता पाएको बताए ।

महोत्सवमा प्रदर्शन गरिएको पाकिस्तानी चलचित्र ‘वखरी’ले निकै प्रशंसा बटुलेको छ । हत्या गरिएकी पाकिस्तानी प्रभावकारीको कथामा आधारित यो चलचित्र ले पाकिस्तानमा लैंगिक अल्पसंख्यकले गर्ने संघर्षको कथा भन्छ ।

स्थापनाकाल देखि नै हाम्रो कामलाई अमेरिकी विदेश बिभागबाट हेरिएको रहेछ। अहिले त साथ र सहयोगको लागि उप सहायक सचिव (डेपुटी एसिस्टेन्ट सेक्रेटरी) ब्युरो अफ साउथ एण्ड सेन्ट्रल एसियाएफेयार्स (दक्षिण तथा मध्य एसियाली मामला )की अफ्रिन अख्तर प्रमुख अतिथि भएर आएकी थिइन् ।

यो काम हेर्दा, चलचित्र महोत्सव झन पछि झन ठुलो बनिरहेको छ भन्ने लागेको नेपाल अमेरिका फिल्म सोसाइटीका सह-संस्थापक किरण पौड्यालले बताए।

आयोजक संस्था नेपाल अमेरिका फिल्म सोसाइटीका अध्यक्ष पूर्णसिंह बराइलीले महोत्सव उत्साहजनक रुपमा सम्पन्न भएको र आगामी वर्ष अझै सहभागितामूलक र उत्साहजनक बनाउन प्रयास हुने बताए ।

विजेता सूचीहरुमा क्रमस विद्यार्थी लक्षित खण्डतर्फ : बेस्ट स्टुडेन्ट फिल्म : अवशेष (रेमन्यान्ट्स) ,निर्णायक मण्डल पुरस्कारमा : मम्: ‘ ; सशक्तिकरण पुरस्कारमा वखरी, पाकिस्तान, डिएमभी क्लोजअपमा मेरा दादु (माई ग्रान्डपा) रहेका छन् ।

यस्तै वृतचित्रमा अडिएन्स च्वाइस( दर्शको रोजाई)मा – नो मोनास्ट्री नो भिलेज ,उत्कृष्ट फिचर वृतचित्रमा: नो विन्टर होलिडेज रहेका छन् । यसै गरि लघु चलचित्रहरुमा क्रमस बेस्ट सट् न्यारेटिभ : सनई
बेस्ट सट् इन्टरनेसनल : न्यान्गा ,उत्कृष्ट लघु नेपाली पानोरमा : धे ड्रीम्स तथा उत्कृष्ट कथानक अन्तर्राष्ट्रियमा : प्रभिन (इरान) पर्न सफल भएका छन् ।

तस्बिर : राजिब श्रेष्ठ

Source: www.enepalese.com/