‘गोकर्णेश्वरको विकासमा सामाजिक संघ-संस्थाको महत्वपूर्ण भूमिका छ’ – मेयर रिसाल

काठमाडौंको गोकर्णेश्वर नगरपालिकका मेयर दिपक रिसालले गोकर्णेश्वरको विकासमा सामाजिक संघ संस्थाको अत्यन्त ठुलो भूमिका रहेको बताएका छन् ।विश्वव्यापि मानविय सेवा विस्तार हेतु अमेरिकामा स्थापित भिजन क्लबस ईन्टरनेशनलको काठमाडौं शाखा भिजन क्लब अफ काठमाडौंद्वारा आज गोकर्णेश्वर ४ मा आयोजित कार्यक्रममा बोल्दै मेयर रिसालले गोकर्णेश्वरको विकासमा स्थानिय अग्रजहरु र सामाजिक कर्ममा दशकौं क्रियाशिल व्यक्ती र संघ संस्थाको महत्वपूर्ण भुमिका रहँदै आएको बताएका हुन् ।

भिजन क्लब अफ काठमाडौंको केन्द्रिय कार्यलयको उद्घाटन कार्यक्रममा प्रमुख अतिथीका रुपमा उपस्थित मेयर रिसालले भिजन क्लबस ईन्टरनेशनलका संस्थापक तथा अन्तराष्ट्रिय अध्यक्ष मंगलदास श्रेष्ठको सामाजिक व्यक्तित्वलाई स्मरण गर्दै गोकर्णेश्वरको मानविय, भौतिक, सामाजिक, साँस्कृतिक लगायतकका विविध महत्वपूर्ण क्षेत्रमा श्रेष्ठले पुर्याउँदै आएको योगदानको प्रशंसा गरेका थिए ।

भिजन क्लब अफ काठमाडौंका धेरै कार्यक्रमहरुमा सहकार्यमूलक भूमिका निर्वाह गर्दै आएका गोकर्णेश्वर नगरपालिकाका मेयर रिसालले सफल सामाजिक यात्राका लागि संस्थालाई बधाई तथा शुभकामना दिएका छन् ।

गत साउन १९ गते शनिवार नगरकोटमा सम्पन्न संस्थाको साधारण सभामा उपस्थित हुन नसकेका भिजन क्लब अफ काठमाडौंका चार्टर सदस्यहरुलाई प्रमाणपत्र वितरण समेत गरिएको कार्यक्रममा भिजन क्लब अफ काठमाडौंका अध्यक्ष राज कृष्ण श्रेष्ठले काठमाडौं शाखा कार्यलय स्थापनाको आवश्यकता, पृष्ठभूमि, आर्थिक खर्च लगायतका बारेमा जानकारी दिएका थिए । कार्यलय स्थापनको सबै खर्चमा अन्तराष्टिय अध्यक्ष मंगलदास श्रेष्ठले सहयोग रहेको जानकारी दिंदै उनले धन्यवाद तथा आभार व्यक्त गरेका छन् ।

मानवीय सेवा र सामाजिक उत्तरदायित्वको उद्येश्य सहित अमेरिकामा स्थापित भिजन क्लवस् ईन्टरनेशनलले स्थापनाको छोटो समयमा नै गोकर्णेश्वर क्षेत्र संगै देशका विभिन्न जिल्लाहरुका विपन्न बालबालिकालाई शैक्षिक सामग्री वितरण तथा स्वास्थ्य संम्बद्ध कार्यक्रमहरु गर्दै आएको छ ।

Source:https://reportersclubamerica.com/