चित्तरञ्जन नेपालीको स्मृतिग्रन्थ’ ‘दाइबा सार्वजनिक

काठमाडौँ —इतिहासकार तथा लेखक चित्तरञ्जन नेपालीको नाममा स्मृतिग्रन्थ दाइबा सार्वजनिक गरिएको छ । 
पुस्तक ‘दाइबाको स्मृतिग्रन्थ’ पुस्तक काठमाडौंमा एक कार्यक्रमको आयोजना गरी सार्वजनिक गरिएको हो । लेखक तथा ईतिहासकार चत्तरञ्जन नेपाली पहिलो मदन पुरस्कार विजेता हुनुहुन्छ । 

पुस्तकको प्राध्यापक त्रिरत्न मानन्धर, मल्ल के सुन्दर, मदन भट्टराईलगायतले संयुक्त रुपमा सार्वजनिक गर्नु भएको हो । पुस्तक सार्वजनिक कार्यक्रममा प्राध्यापक त्रिरत्न मानन्धरले चित्तरञ्जन नेपालीको लेखन विधालाई प्रशंसा गर्नुएको छ र इतिहास विधालाई नयाँ ढंगले लेख्न शुरू गरेको बताउदै उहाँले पुस्तकमा परिवार, आफन्त, लेखक, साहित्यकार, प्रशासक, समाजसेवीलगायतले आफ्नो संस्मरण लेखेर नेपालीको व्यक्तित्व उजागर गर्न मद्दत गरेको उनको भनाइ छ । 
लेखक तथा भाषाविद् मल्ल के सुन्दरले चित्तरञ्जन नेपालीसंग चार दशकभन्दा बढी संगत गरेको स्मरण गर्दै उहाँको लेखन र अनुवादको माध्यमबाट नेपाली मात्र नभई नेपालभाषा र संस्कृतमा पनि योगदानरहेको बताउनुभयो ।

पूर्वपरराष्ट्र सचिव भट्टराईले चित्तरञ्जन नेपालीका चार पुस्ताले पहिला जैसीकोठा, मुन्सीखाना हुँदै पछि परराष्ट्र मन्त्रालयमा योगदान दिएको उल्लेख गर्नुभयो । खम्पा निःशस्त्रीकरणदेखि नेपाल–चीन सीमा सन्धिमा पनि उहाँको योगदान रहेको पूर्वपरराष्ट्र सचिव भट्टराईले जानकारी दिनुभयो । छरछिमेकी, आफन्त तथा परिवारले बोलाउने नाम ‘दाइबा’बाट पुस्तकको नामाकरण गरिएको पनि उचित भएको उहाँको भनाइ थियो ।

प्रकाशक मीनु राजभण्डारीले दाइबाका योगदानहरूलाई एकमुष्ट रूपमा प्रस्तुत गर्न पुस्तक सफल भएको बताउनुभयो । यो पुस्तक चित्तरञ्जन नेपालीको पहिलो पुण्यतिथिमा सार्वजनिक गरिएको हो । उहाँको ९३ वर्षको उमेरमा गत वर्ष असोज २९ गते मृत्यु एको थियो ।

‘दाइबा ः चित्तरञ्जन नेपाली स्मृतिग्रन्थ’मा चित्तरञ्जन नेपालीको लेखन, इतिहास, कृतिका अलावा उहाँले प्रशासन, कूटनीति र सामाजसेवामा दिएको योगदानको पनि चर्चा गरिएको छ । त्यसैगरी, उहाँले आफ्नैबारेमा लेखेका लेख, अनुभवका साथै बाबुराम आचार्य, ऋद्धिबहादुर मल्ललगायत व्यक्तिबारे लेखेका लेख तथा स्मृति समावेश गरिएको छ । 
पुस्तकको प्रकाशक मीनु राजभण्डारी र मनीष राजभण्डारी हुनुहुन्छ । यसको सम्पादन प्रकाश गुरागाईंले गर्नुभएको छ । ६९६ पृष्ठको पुस्तकको मूल्य ५०० रुपैयाँ रहेको छ ।