भिजन क्लवस् इन्टरनेशनल नेपालको क्षेत्रिय सम्मेलन टर्कीमा सम्पन्न

७ कार्तिक २०८१, न्यूयोर्क। 
भिजन क्लवस् इन्टरनेशनल नेपालको पहिलो क्षेत्रिय सम्मेलन टर्कीको स्तानबुलमा सम्पन्न भएको छ । उक्त क्षेत्रीय सम्मेलन गत अक्टुवर २१ सोमवार टर्कीमा सम्पन्न भएको हो ।सम्मेलन भिजन क्ल्ब्स् इन्टरनेशनलका प्रेसिडेण्ट मंगल दास श्रेष्ठको प्रमुख आतिथ्यतामा सम्पन्न भएको छ । सम्मेलनको सभापतित्व भिजन क्लब अफ काठमाडौंका अध्यक्ष राज कृष्ण श्रेष्ठले गर्नुभएको थियो ।

सम्मेलनमा, क्लब मार्फत समाजलाई दिनु भएको योगदान र लिडरशिपको उच्च सम्मान गर्दै भिजन क्लव अफ काठमाडौको च्यापटर प्रेशिडेण्ट भिसिआइ राज कृष्ण श्रेष्ठ र बिष्णु बहादुर श्रेष्ठलाई बेष्ट सर्भिस अवार्ड द्धारा सम्मान गरिएको छ ।  

सम्मेलनले दोश्रो क्षेत्रीय सम्मेलन २०२५ को अक्टोबरमा स्विटजरलाण्डमा र पहिलो इन्टरनेशनल कन्भेन्सन २०२६ को जूनमा अमेरिकामा गर्ने गर्ने निर्णय गरेको छ । 

भिजन क्लबस् ईन्टरनेस्नल नेपालले विश्वका विभिन्न मुलुकहरुमा सामाजिक सेवा र समतामुलक न्यायस्थापनार्थ क्लब विस्तार गर्ने तयारी गरेको छ । अमेरिकाको न्यूयोर्कमा स्थापित यस संस्थाले हाल नेपालमा सक्रिय भएपनि विश्वभरी सामाजिक सेवा गर्ने यसको उद्देश्य रहेको छ ।