रानीपोखरी मन्दिरमा भाइटीका

काठमाडौँ — रानीपोखरीमा रहेको बालगोपालेश्वर मन्दिर आज बिहानैदेखि भक्तजनका लागि खुला गरिएको छ । दिदीबहिनी नहुनेका लागि भाइटीकाका दिन काठमाडौँको रानीपोखरीको बीचमा रहेको बालगोपालेश्वर मन्दिर खुलाइने प्रचलन छ । दिदीबहिनी एवं दाजुभाइ नहुनेहरू भाइटीकाका दिन यसै मन्दिरमा गइ पूजा, दर्शन गरी टीका लगाउने गर्दछन् ।

बालगोपालेश्वर मन्दिर दर्शन र टीका ग्रहणका लागि आवश्यक व्यवस्थापन महानगरपालिकाले गर्दै आएको छ । भाइटीकाका लागि बालगोपालेश्वर मन्दिर आजै दिनभर नै खुला रहने जनाइएको छ ।दाजुभाइ नहुनेका लागि काष्ठमण्डपमा पनि टीका लगाउने कार्यक्रम रहेको छ ।

soure:ekantipur.com