उपन्यास ‘भुसकोे आगो’ ? लोकापर्ण हुदै

नेपाली समाजको सामाजिक जनजिवनको चरित्र सम्बन्धमा नाली वेली सहितका वास्तविक कथा व्यथामा आधारित साहित्यक विधामा अर्काे एक विधा थपिएको छ ‘भुसकोे आगो’ । 
‘भुसकोे आगो’ प्रतिष्ठित नेपाली लेखक रमेश दियालीद्धारा लिखित एक सामाजिक उपन्यास हो । समाजमा विभिन्न वाधा व्यवधान रजटिल परिस्थितिहरूका बीच जीवन यापन गरिरहेका नेपाली समुदायका पात्रहरूको कथा समेटेर तयार पारिएको छ । 
लेखक तथा साहित्यकार दियालीले उक्त बहुप्रतिक्षित उपन्यास ‘भुसकोे आगो’ को यही डिसेम्बर २८ मा कोलोम्बस, ओहायोमा लोकार्पण गरिने भएको छ ।
इन्डिगो इन्कद्वारा प्रकाशित ‘भुसकोे आगो’ केवल कथा मात्र नभएर समाजको वास्तविक चरित्र सम्बन्धि ऐना हो, जसले मानवीय जीवनमा देखिएका र सधै भोगिएका अफ्ठ्यारा अवस्थाहरू र तिनले ल्याउने असर ÷प्रभावलाई गहिरो रूपमा उजागर गरेको छ । 

मान्छेको जीवन सधै सुखद र आनन्दमय कहाँ छ र ? हाँसो पिडा, रोदन दुख सुख सबै पक्षहरु आउछन् । त्यस्ता पक्षलाई उपन्यासकार दियालीले उपन्यासमा समेट्ने कोशिष गर्नुभएको छ । उपन्यासले प्रेम, मोह, र जीवनका यथार्थ पक्षहरूको कलात्मक चित्रण गर्दै पाठकहरूलाई आत्मसमीक्षाको बाटो देखाउने अपेक्षा गरिएको छ । 
उपन्यासले मरुभूमि जस्तो जीवन बाँचिरहेका आम मानिसहरूको दैनिक संघर्ष र तिनले भोगेका कठोर यथार्थहरूलाई उजागर गरेको छ । समाजमा हुने दुःखद घटनाहरू र पात्रहरूको भोगाइलाई आधार मानेर उपन्यासले सम्बन्ध र जीवनका विविध पक्षहरूको खोजी गरेको छ । 
पुस्तकले पाठकहरूलाई सम्बन्ध, मोह, र समाजमा देखिने यथार्थतामाथि गहिरो दृष्टिकोण दिनेछ । यस कृतिले नेपाली साहित्यमा नयाँ आयाम थप्ने विश्वास गरिएको छ ।

लेखक दियालीले भन्नुभयो “यो उपन्यासका पात्रहरूले पाठकहरूको मनमा गहिरो छाप छोड्नेछन् र पात्रहरूलाई सम्झिरहने प्रेरणा दिनेछन् होला भन्ने मलाई लाग्छ ।”

उपन्यास ‘भुसकोे आगो’ को लोकार्पण कार्यक्रममा कला, साहित्य, र संस्कृतिसँग जोडिएका प्रतिष्ठित सर्जकहरूको उपस्थिति रहनेछ । 
‘भुसकोे आगो’ उपन्यासलाई नेपाल लगाएत अन्य क्षेत्रका सबै प्रमुख पुस्तक पसलहरूमा उपलब्ध गराईने छ ।