अजित मिजारको शब साढे आठ वर्षदेखि टिचिङ अस्पतालमै, परिवार न्याय कुर्दै

काभ्रेका अजित मिजारको शव साढे आठ बर्षदेखी टिचिङ अस्पतालमै थन्किएको छ । अन्तरजातीय प्रेमविवाह गरेकै कारण २०७३ सालको असारमा हत्या गरिएको थियो । अन्तरजातीय विवाहकै कारण हत्या गरिएको भन्दै उनका परिवारले अजितको शब उठाएका छैनन् । आफ्नो पहुँचमाला कोही नभएपछि सरकारले आफ्नो आवाज नसुनेको अजितका बुबाको भनाई । अन्तिम आशा सर्वोच्च अदालतमाथी भएकाले न्याय नपाएसम्म छोरोको शव नउठाउने उहाँको अडान रहेको छ । 

अजितको हत्यामा कर्तव्य ज्यान मुद्दा लगाइएका आरोपीलाई जिल्ला अदालत धादिङ र उच्च अदालत पाटनले सफाइ दिएपछि अदालतको फैसला चित्त नबुझेको भन्दै अजितको परिवार सर्वोच्चमा पुगेका हुन् । अजितका बुबा हरिभक्त ढकाल मिजारले सर्वोच्च अदालतले न्याय देलाकी भन्ने आशा गर्नुहुन्छ ।  आगामी फागुन २८ गते तारिख तोकेको छ । 
घटनाको अनुसन्धान सम्बन्धमा सरकारी समितिले अजितको हत्या भएको निष्कर्ष निकालेको छ । दलित संघसंस्था, नागरिक समाज, अधिकारकर्मी र मानव अधिकारकर्मीले पनि अजितको हत्या भएको अध्ययन प्रतिवेदन छ । 

अजितका बुबा हरिभक्त कट्वाल मिजारले ०७३ साउन १५ मा धादिङ प्रहरीमा टेकबहादुर पराजुली, भोजबहादुर पराजुली र सम्झना पराजुलीविरुद्ध उजुरी दिनुभएको थियो  । तर, धादिङ जिल्ला अदालतले अभियुक्तलाई सफाइ दियो । पुनरावेदनका क्रममा पाटन उच्च अदालतले पनि जिल्ला अदालतकै फैसला सदर ग¥यो । सरकारवादी मुद्दामा दुई तहको अदालतमा हार भएपछि सरकारले थप पुनरावेदन नगर्ने निर्णय ग¥यो । 

त्यसपछि ०७९ वैशाख २० मा सरकारी वकिल कार्यालयले मुद्दा उपर प्रक्रिया अघि नबढाउने बताएपछि   अजितका बुबाले अपराधपीडित संरक्षण ऐन, २०७५ अनुसार ‘मुद्दा पुन दोहो¥याई हेरियोस्’ भनेर ०७९  वैशाख २१मा सर्वोच्चमा निवेदन दिनुभयो । 

पिडितको वकालत गर्दै आउनुभएका अधिवक्ता मोहन शाशंकर, ‘प्रहरीको अनुसन्धान नै गलत भएको बताउनुहुन्छ । उहाँका अनुसार पोस्टमार्टम नगरी रिपोर्ट बनाइएको र हतार–हतारमा लास गाडिएको थियो । लामो समयको संघर्ष र जोडवल दलित आन्दोलनको दबावमा प्रहरीले जाहेरी लिएपनि अझैसम्म पिडितको पक्षमा न्याए परेको छैन । 
०७४ वैशाख मा तत्कालिन प्रधानमन्त्री पुष्पकमल दाहाल प्रचण्ड सरकारले अजितको परिवारलाई राहतस्वरूप १० लाख रुपैयाँ दिएको थियो । तर मान्छेको ज्यान लिएर १० लाखले न्याय पाउन सक्ने अवस्था रहेन । न मान्छेको बदलामा मान्छे प्राप्त हुन सक्छ । 

घटना  काभ्रे पाँचखालको हो । १८ वर्षीय युवा अजित मिजार स्थानीय गैरदलित अर्थात् पराजुली थरकी (कल्पना) युवतीसँगको प्रेमसम्बन्ध पछि आपसी समझदारीमा ०७३ असार २५ गते उनीहरुविच विवाह भएको थियो । विवाहपछि अजित दिदिको घरमा बसेका थिए । तर, केटीको परिवारले दलितसँग बिहे गरेको भनेर गाली गर्ने र केटालाई विभिन्न धम्की दिदै स्थानीय (पाँचखाल) प्रहरी चौकीमा उजुरी दिएका थिए ।  

त्यसपछि अजितका परिवारले उनीहरुलाई घर बोलाई ०७३ असार २७  मा प्रहरी चौकीमा उपस्थित गराएको थियो । सोही दिन प्रहरीले उमेर नपुगेको भन्दै उनीहरूलाई छुट्टायो । केटीले लगाएको चुरा–पोतेजस्ता पहिरन माइती पक्षले जबर्जस्ती हटाईदिएका थिए ।

प्रहरी लगाएर केटाकेटी छुटाएपनि केटीका माईतीले फोनमार्फत अजितलाई धम्काईरहेका थिए । सोही क्रममा ०७३ असार २९ मा दिउँसो २ बजेतिर अजितलाई एकाएक बेपत्ता पारिएका थिए । त्यसवेला उनीसँग ५० रुपैयाँ मात्रै थियो । सोही दिन उनले राति ८ बजेतिर घरमा फोन गरेका थिए । त्यस क्रममा उनको स्वर अत्तालिएको थियो । अचानक फोन काटियो । त्यसपछि अजितसँग परिवारको सम्पर्क हुने सकेन । ०७३ साउन १ मा अकस्मात अजितको परिवारले एक समाचार पोर्टलमा अजितको शव झुन्डिएको अवस्थामा भेटिएको समाचार देखे । काभ्रेका अजित धादिङको गजुरीस्थित प्रतीक्षालयमा झुन्डिएको अवस्थामा देखिएका थिए ।

धादिङ प्रहरीले भने अजितको शव०७३ असार ३० भेटेपनि सनाखत हुन नसकेको भन्दै ०७३ साउन १ गते त्रिशूली नदीको किनारामा उक्त शव गाडेको थियो । अजितको परिवार त्यो समाचार देखेपछि काभ्रे प्रहरी लिएर त्यहाँ पुग्नुभयो तर प्रहरीले शव उत्खनन गर्न मानेन । प्रहरीको पोेस्टमार्टम रिपोर्टले झुन्डिएर मृत्यु भएको दाबी गरेको थियो । परिवारको अडानपछि शव उत्खनन भयो । र, शव अजितको रहेको पुष्टि भयो । 
्त्यसपछि आफन्तले उनको शव काठमाडौंस्थित टिचिङ अस्पताल ल्याए । टिचिङले ४ साउन ०७३ मा पोस्टमार्टम ग¥यो, झुन्डिएको कारण मृत्यु भएको रिपोर्ट आयो । अजितलाई झुन्ड्याएर मारिएको परिवार र सरोकारवारको दावी गरेका छन् ।