ADWAN र NIWF ले CSW६९ मा समानान्तर कार्यक्रम गर्दै

राष्ट्रिय आदिवासी जनजाति महिला मञ्च NIWF र नेपाल दलित महिला उत्थान संघ ADWANले CSW 69 मा समानान्तर कार्यक्रम आयोजना गर्ने भएका छन् । 
यही मिति २०२५को मार्च १९ मा न्यूयोर्कमा बेईजिंग +३०ः आदिवासी र दलित महिलाको दृष्टिकोण सम्बन्धमा राष्ट्रिय आदिवासी जनजाति महिला मञ्च NIWF र नेपाल दलित महिला उत्थान संघ ASWANले   CSW 69 मा समानान्तर कार्यक्रम गर्न लागेको हो । 

कार्यक्रमा बेईजिंग घोषणापत्र र कार्ययोजनाका ३० वर्षको समीक्षा गरिने छ । साथै आदिवासी र दलित महिलाहरूका अनुभव, चुनौतीहरू, योगदानहरू, र नेतृत्व माथि छलफल पनि गरिनेछ । 

लैंगिक समानता, जलवायु न्याय, विपद् जोखिम न्यूनीकरण, राजनीतिक सहभागिता, र आर्थिक सशक्तीकरण जस्ता विषयहरूमा ध्यान केन्द्रित गर्ने यस आयोजनाको उद्देश्य रहेको छ। 

कार्यक्रममा एक अर्काका विचमा विचार आदान–प्रदान गर्ने आदिवासी तथा दलित महिलाहरूको आवाजलाई विश्वव्यापी लैंगिक न्यायको बहसमा बुलन्द गर्न यो कार्यक्रमले आह्वान गरेको छ ।

कार्यक्रममा  नेपाल दलित महिला उत्थान संघडां विष्णुमाया परियार, वेष्ट ईडिज युभिर्सिटी अन्तर्गत ईन्टेििरयम युनिभर्सिटीका डाईरेक्टर डां डिआना फक्स, युएन वोमनका एलएसि स्पेसिलिष्ट मिस प्याट्रिसिया कोर्टस्, महिला र समाज विदेश मामिला कमिटीका अध्यक्ष, अनरवेल किरन कुमार शाह र राष्ट्रिय आदिवासी जनजाति महिला मञ्चका उपाध्यक्ष मिस यसो कन्ति भट्टचन विषय विज्ञहरुले आफ्नो आफना धारणा राख्नेछन् । उक्त कार्यक्रमको मोडरेटरको रुपमा मिस बर्षा लेखीले गर्नुहुनेछ ।