भिजन क्लब अफ काठमाडौद्धारा ओभरहेड खानेपानी टैंक हस्तान्तरण

विभिन्न सेवा परियोजना अन्तर्गत भिजन क्लब्स अन्तर्राष्ट्रिय तथा भिजन क्लब अफ काठमाडौले सहयोगी बहुमुखी क्याम्पस, गो न पा ४ मा ओभरहेड खानेपानी टैंक (स्ट्यान्ड सहित) हस्तान्तरण गरेको छ । 

गो न पा नगर प्रमुख श्री दिपक कुमार रिसाल र भिजन क्लब काठमाडौका अध्यक्ष  भिसिआई राजकृष्ण श्रेष्ठले क्याम्पस सञ्चालन समितिका अध्यक्ष श्री न्हुच्छे नारायण श्रेष्ठ मिलनलाई चेक हस्तान्तरण गर्नुभएको हो । 

कार्यक्रममा भिजन क्लब सम्बन्धि परिचय र क्लबले गर्दै आईरहेको आगामी दिनहरुमा गरिने सेवाकार्य बारे पनि सम्बोधन  गर्नुभएको थियो । सम्बोधनको क्रममा स्थानिय निकाय संगको सहकार्यमा विभिन्न आयमुलक तालिम  दिने कार्यक्रमहरु गर्दै  जाने पनि जानकारी दिनुभयो ।  जिबन जिउनमा पानी अत्यावश्यक बस्तु भएकाले यस्तो कार्यमा सेवा गर्ने मौका पाउनुमा गर्व भएकोले क्याम्पस परिवारलाई धन्यवाद दिनुभएको छ । 

नगर प्रमुख दिपक कुमार रिसाल ज्युले भिजन क्लबले गर्दै आईरहेको सेवा कार्यको मुक्त कण्ठले सह्राना गर्नुभयो ।  साथै उहाँले यसमा नगरपालिकाको साथ सहयोग रहने भाव ब्यक्त गर्नु भयो । कार्यक्रममा अध्यक्ष न्हुच्छे नारायण श्रेष्ठज्युले आगामी दिनहरुमा साथ र सहयोगको अपेक्षा गर्नुभयो । 

क्याम्पस चिफले सञ्चालन गर्नुभएको उक्त कार्यक्रम राख्दै क्याम्पसको आगामी लक्ष्य बारे प्रस्तुत गर्दै कार्यक्रम समापन गर्नु भएको छ । 
May be an image of 1 person, golfing and text

प्रतिक्रिया