एनआरएनए आईसीसी युवा उपसंयोजकमा डा. शंकर विशुंकेको उम्मेदवारी घोषणा

गैरआवासीय नेपाली संघ (एनआरएनए) आईसीसीको २०२३ देखि २०२५ का लागि एनआरएनए अमेरिकाज क्षेत्रको क्षेत्रीय युवा उपसंयोजक पदमा डा. शंकर विशुंकले उम्मेदवारी घोषणा गर्नु भएको छ ।
“युवा सशक्तिकरण मार्फत् संस्थागत रूपान्तरण” भन्ने मूल मन्त्रलाई अघि सार्दै  डा. शंकर विशुंकले उक्त पदमा उम्मेदवारी दिनुभएको हो । 
उहाँले युवाहरूको समस्या समाधानका उपायहरू र भबिश्यका सम्भावनाहरूको बारेमा काम गर्न आफू आतुर रहेको बताउदै चुनावमा जिताउन साथ र सहयोग का लागि अपिल गर्नुभएको छ । 

“सकारात्मक परिवर्तनको ज्योति प्रज्वलित गर्ने लक्ष्य लिएको छु ”, । उहाँले भन्नुभयो, “ क्षेत्रीय युवा उप–संयोजकको रूपमा, म हाम्रा युवाहरूको आवाजलाई सम्बन्धित ठाउँमा पुर्याउने प्रतिबद्धता ब्यक्त गर्न चाहन्छु ” । 
अमेरीकाज् क्षेत्रका युवाहरूलाई लक्षित गरेर उच्च अध्ययन, खेलकुद, रोजगारी, लगायत बिभिन्न रचनात्मक क्रियाकलापको बारेमा योजना बनाउने र उचित कार्यान्वयन गर्ने  उहाँको संकल्प रहेको छ ।

 उहाँले यस क्षेत्रका दोस्रो पुस्ताका युवाहरूको क्षमता अभिवृद्धि गर्न सोही अनुसारको मार्ग खोज्ने काममा हौसला पुर्याउने का मगर्ने बताउनु भएको छ ।
साथै उहाँले आजका युवाहरू नै भोलिको कर्णधार भएकोले युवा शक्तिलाई सदुपयोग गर्दै एनआरएनको संस्थागत् रूपान्तरण गर्ने प्रतिबद्धतालाई साथ र सहयोगका अपेक्षा सहित अनुरोध गर्नुभएको छ ।