साहित्यकार पदम विश्वकर्माको उपन्यास ‘पाताल’ को गृह विमोचन तथा चर्चा

साहित्यकार पदम विश्वकर्माको उपन्यास ‘पाताल’ पुस्तकको गृह विमोचन तथा पुस्तकमाथी चर्चा लोकार्पण गरिएको छ । 
अन्तर्राष्ट्रिय नेपाली साहित्य समाज अमेरिकाले, कोलोराडो स्थित नेपाली सांस्कृतिक केन्द्र (नेपाली घर) मा उक्त उपन्यास ‘पाताल’ को गृह विमोचन तथा पुस्तक समिक्षा  कार्यक्रम गरेको हो  ।
उक्त ‘पाताल’ कृतिको विमोचन प्रमुख अतिथि वरिष्ठ गीतकार हिरण्य भोजपूरे लगाएत साहित्यकारहरु रमेश गुरुङ, तारा अधिकारी, प्रमिला शर्मा, सुनिल पाठक, डा. भीमप्रकाश कट्टेल र कमला विश्वकर्माको संयुक्त रुपमा लोकार्पण गरिएको थियो ।
साहित्यकार विश्वकर्माको पाताल कृतिमाथी साहित्यकारहरु डा. बिजयराज शर्मा र पुष्पराज पौडेलले समीक्षात्मक टिप्पणी गर्नुभएको थियो । अन्तर्राष्ट्रिय नेपाली साहित्य समाजकी केन्द्रीय सदस्य तारा अधिकारीले लेखक विश्वकर्माको व्यक्तित्व बारे चर्चा गर्नुभएको थियो । 

विमोचन कार्यक्रम अमेरिकी नेपाली साहित्य समाज, कोलोराडो च्याप्टरका अध्यक्ष राजु सिटौलाको अध्यक्षतामा गरिएको थियो । उक्त कार्यक्रमको सञ्चालन महासचिव किरण अधिकारीले गर्नु भएको थियो । 
कार्यक्रममा साहित्य समाज अमेरिकाका पूर्व केन्द्रीय उपाध्यक्ष शान्तिराम ढकाल, कोलोराडो च्याप्टर परिवार, कोलोराडोस्थित ट्रस्टी र आजीवन सदस्यहरु, बिभिन्न संस्थाका अध्यक्ष तथा प्रतिनिधिहरु, कोलोराडोका गन्यमान्य विशिष्ट महानुभावहरु, समाजसेवीहरु, पत्रकारहरु र उल्लेख्य मात्रामा कोलोराडोवासी दाजुभाइ दिदीबहिनीहरुको उपस्थिति रहेको थियो ।
यस उपन्यास पाताल कृतिको यस अघि नै नेपालमा नेपाल प्रज्ञा प्रतिष्ठानका कुलपति भूपाल राईको प्रमुख आतिथ्यतामा यसको विमोचन गरिईसकेको छ ।
प्रज्ञा प्रतिष्ठानमा आयोजित विमोचन कार्यक्रममा माननीय सांसद् रणेन्द्र बराली, अनेसास बिओटी निवर्तमान अध्यक्ष गीता खत्री, अनेसास अध्यक्ष एवं साहित्यिक पत्रकार संघका अध्यक्ष राधेश्याम लेकाली, अनेसासका केन्द्रीय उपाध्यक्ष डा. रेणुका सोलु, प्राज्ञ बाबा बस्नेत, समालोचक महेश पौड्याल, नियात्रा समाजका अध्यक्ष प्रतीक ढकाल लगायतले उक्त कृतिको लोकार्पण गर्नु भएको थियो । 

कार्यक्रममा अनेसासका पूर्व सल्लाहकार राम खत्री, नेपाल बालसाहित्य समाजका अध्यक्ष प्रमोद प्रधान, नेपाल स्रष्टा समाजका अध्यक्ष श्रीओम श्रेष्ठ रोदन, साहित्यकारहरु डा. दामोदर पुडासैनी, युवराज नयाँघरे, खेमनाथ दाहाल, कृष्ण भूषाल, गोपाल पराजुली, विमल भौकाजी, प्रधुम्न जोशी, पदम सुन्दास, डी. आर., गीता कार्की, सन्ध्या पहाडी, रञ्जना निरौला, कमला रिसाल, उषा के. सी., जयराम तिमिल्सिना, रन्जु दाहाल, सुशीला खड्का, प्रमोद सारंग, गणेश जी. सी., ऋषभदेव घिमिरे, डा. बुनु दाहाल, रमेश दाहाल, मधु पाठक, सुष्मा आचार्य, हरिबोल ढकाल, इन्दिरा ढकाल, ममता मृदुल, शान्ता शर्मा, भवानी खतिवडा, सुचित्रा काफ्ले तथा नवराज श्रेष्ठ (नायक), रमेश कोइराला (चलचित्र निर्देशक), श्रीमती कमला विश्वकर्मा लगायतको उपस्थित रहेको थियो । उक्त कार्यक्रममा साहित्यकार पदम विश्वकर्माको सम्मान पनि गरिएको थियो । 

साहित्यकार विश्वकर्मा अन्तर्राष्ट्रिय नेपाली साहित्य समाज बोर्ड अफ ट्रष्टीका सभापति हुनुहुन्छ । उहाँको यो चौथो कृति हो । उहाँ अमेरिकाको कोलोराडो बस्दै आउनुभएको छ ।