सिमान्तकृत समुदाय

पालदलित महिला उत्थान संघ (एड्वान) की अध्यक्ष बिन्दु परियारको जन्म वि.सं. २०४० सालमा गोरखाको ताक्लुङमा भएको हो । स्व.रूपबहादुर र कनमाया परियारका ११ सन्तानमध्येकी कान्छी छोरी बिन्दु दक्षिण एसियाली मुलुक संलग्न ‘एसियन योङ वुमन लिडरसिप क्याम्पियन’ को नेपालका तर्फबाट ‘मेन्टर’ समेत हुन् । बाल्यकालदेखि क्रान्तिकारी स्वभावकी परियार मनकामना मन्दिरभित्र पस्ने प्रथम दलित महिला हुन् । त्यतिबेला उनी सात कक्षामा पढ्थिन् । धारा छोएकै कारण नेवारले गाली–बेइज्जती गर्दा नेवारको भान्सा पस्ने हिम्मत गरेकी उनको आँटले  स्थानीयको त्यतिबेलाको भ्रम तोडिएको उनी बताउँछिन् ।