सिमान्तकृत समुदाय

कला कौशल र सीपले सम्पन्न दलित समुदाय उत्पीडन र जातीय भेदभाव तथा छुवाछूतका कारण समाजबाट सधै वहिष्करणमा पारिए । उनीहरुलाई खानपीन उठबस, विहे व्रतबन्ध तथा सामाजिक कर्म काण्डका संस्कारबाट सधै छोईछिटोमा पारियो । राजनीतिक परिवर्तनका लागि सधै ढाल बनाइएका दलितहरुको सामाजिक परिवर्तन र उत्थान सधै उल्झनमा रह्या्े । खानपीन र उठबसमा छोईछिटो बार्ने समाज विहेवारीमा अन्तरजातिय विवाह त झन सबैठूलो तँगारो बन्यो । भातभान्सा र विहेबारी मात्रै हैन माया पनि विटुलो हुने गरेको छ ।  दलित समुदायमाथीको विभेदमा आधारित समसायिक मुद्धाका अन्तरवस्तुमा पत्रकार तथा लेखक सुशिल दर्नालको माया पनि विटुलो पुस्तक सार्वजनिक भएको छ । पस्तकको सभामुख देवराज घिमिरेले विमोचन गर्नुभएको हो । लेखक तथा पत्रकार राष्ट्रिय समाचार समिति (रासस)कार्यरत हुनुन्छ ।