राष्ट्रिय समाचार

४ कात्तिक, काठमाडौं ।  गृहमन्त्री रमेश लेखकले ट्राफिक उल्लंघन रेकर्ड सिस्टम (टिभिआरएस) को ई–चलान (डिजिटल चिट)को उद्घाटन गर्नुभएको छ ।  उपत्यका ट्राफिक प्रहरी कार्यालयमा आयोजना गरिएको कार्यक्रममा गृहमन्त्री लेखकले ट्राफिकको (डिजिटल चिट) को उद्घाटन गर्नुभएको हो ।  काठमाडौँ उपत्यकामा ट्राफिक नियम उल्लंघन गर्ने सवारी चालकले अब डिजिटल चिट पाउनेछन् ।  राज्यका सम्पूर्ण सेवालाई प्रविधिमैत्री बनाउने गरी सरकारले ‘कोही पनि नागरिकले सरकारी सेवा सरल ढङ्गबाट प्राप्त गर्न सकून्, कुनै जटिलता, अपारदर्शीता र भ्रष्टाचार नहोस्, सेवाग्राहीले सहजै सेवा प्राप्त गर्न गरुन् भन्ने उद्देश्यका साथ सरकार अघि बढिरहेको छ।’ गृहमन्त्री लेखकले भन्नुभयो ।