विचार

काठमाडौँ — कृषि भूमिको महत्व सबैलाई भएपनि कृषिकर्म गर्ने परिवारको लागि अझ बढी हुन्छ । उत्पादन र आर्थिक दृष्टिकोणले मात्र होईन, पहिचान र हैसियतकासाथै खाद्य र पोषण सुरक्षाको लागि पनि यो उत्तिकै जरुरी छ । किसान परिवारमा पनि महिलाको लागि कृषि भूमिको महत्व विशेष छ ।  कृषि गणना २०७८ अनुसार नेपालमा ४१ लाख ३१ हजार कृषक परिवार छन् । यो कुल घरपरिवारको ६२ प्रतिशत हो । जनसंख्याको हिसाबले अझै ६७ प्रतिशत कृषि कर्म गर्छन् । कृषिमा संलग्न जनसंख्या पुरुष भन्दा महिला धेरै छन् । तर मुख्य कृषकको रुपमा भने ३२ प्रतिशत मात्र महिला रहेको पाईन्छ । यसको अर्थ कृषिमा महिलाको योगदान बढि भएपनि ६८ प्रतिशत परिवारमा भने पुरुषनै कृषि कार्यको निर्णायक भूमिकामा छन् ।