विचार

जलवायु परिवर्तनसम्बन्धी पक्षराष्ट्रहरूको अन्तर्राष्ट्रिय सम्मेलन (कोप–२८) दुबईमा धुमधामले भइरहेको छ । जलवायु परिवर्तन मानव जातिकै लागि एउटा डरलाग्दो चुनौती बनिरहेको विश्वपरिवेशमा सबैका आँखा दुबईतिरै सोझिएका छन् । जीवाश्म इन्धनको भविष्य र जलवायु क्षतिका लागि कसले भुक्तानी गर्ने भन्ने यक्ष प्रश्न उठेको छ । कोप वार्ताहरू प्रायः विवादास्पद हुन्छन् । यस वर्ष कूटनीतिज्ञहरूले जीवाश्म ईन्धनको प्रयोग चरणबद्ध रूपमा घटाउँदै लैजाने कि के गर्ने र गरिब राष्ट्रहरूलाई जलवायु क्षतिका लागि कसले कति सहयोग गर्ने भन्नेमा तातो बहस हुने अपेक्षा गरिएको छ ।