दलहरूले कोरेको धार्मिक गोरेटो हुँदै शास्त्रीको नेपाल यात्रा

राष्ट्रपति र प्रधानमन्त्रीले लोकलाजले भेट टारे पनि उपप्रधानमन्त्री सहित मन्त्रीहरूको जुलुसले शास्त्रीको नेपाल यात्रालाई राज्यको तर्फबाट वैधता र स्वीकृति दिएको ठहर्छ ।

द्वन्द्वात्मक भौतिकवादी दर्शनको दुहाइ दिएर हजारौंको ज्यान जाने गरी भएको सशस्त्र युद्धका नेतृत्वकर्ता प्रचण्डले छिमेक भारतमा पुगेर गेरुवा वस्त्र पहिरिंदै महाकालेश्वरमा ज्योतिर्लिङ्गको दर्शन/पूजा आराधना गरेको धेरै भएको छैन ।

२९ साउन अर्थात् साउन महिनाको अन्तिम सोमबार एमाले अध्यक्ष केपी ओली केही नेताका साथमा डोलेश्वर महादेव मन्दिर प्राङ्गणमा आयोजित ‘सन्ध्याकालीन आरती’मा सरिक भए । आरतीमा मुग्ध भीडमा गेरुवस्त्र ओढेर, निधारमा चन्दन लगाएर मुस्कुराइरहेका ठूलो कम्युनिष्ट पार्टीको अध्यक्षका दृश्य सामाजिक सञ्जालमा देख्न पाइयो ।

Reference :   onlinekhabar