उदयीमान गायक करण परियार म्युजिक भिडियोमा अभिनय गर्दै ।

काठमाडौँ – 
करण परियार मध्यम परिवारमा जन्म लिएर सांगितिक क्षेत्रमा उदयीमान कायम गरेका व्यक्ति हुन् । हालैको बर्ष नेपाल आईडलको सिजन ५ विजेता करण परियारको गायकी चर्चित स्टार गायक शिव परियारको कला र गलासँग मेल खान्छ । उहाँले गायनमा उत्किृष्टता हासिल गरे लगत्तै हालै म्युजिक भिडियोमा मुख्य पात्रमा मोडलको भूमिका अभिनय गर्नुभएको हो । करणले पहिलो पटक अभिनय गरेको यो म्यूजिक भिडियोमा अमेरिका स्थित विभिन्न शुभचिन्तकहरूको लगानी रहेको छ । 

उक्त म्युजिक भिडिया्को अग्राधिकार तथा कपि राईट करण परियारकै हुने गरी उहाँकै यूट्यूब च्यानलबाट यहीं अक्टोवर १ तारिखमा सार्वजनिक गरिने भएको छ । उक्त भिडियो निर्माणका संयोजक तथा अमेरिका बसोबास गर्दै आउनुभएका शशी सिंहले भिडियो अत्यन्त राम्रो भएको जानकारी दिनुभयो । 
भिडियोमा प्रसिद्ध संगीतकार संगीतरत्न संगीतकार शम्भूजित बास्कोटाको सुमधुर सङ्गीत रहेको छ भने  सामाजिक अभियन्ता, लेखक पत्रकार, कृषि उद्धमी प्रदीप परियार थापाले म्युजिक भिडियो “तिम्रै आँखाबाट संसार हेर्ने मन छ” को शव्द रचना गर्नुभएको हो । गितकार, लेखक, तथा सामाजिक अभियन्ता प्रदीप थापाले जातीय छुवाछुत र विभेद अन्त्यको सिद्धान्त व्यवहारिक दृष्टान्तमा  अनुवाद गर्नुभएको छ । उक्त गीत कारण परियार र सोह्र वर्षीय किशोरी गायिका जारा रीत प्रसाईको युगल स्वरले सजिएको छ । 

जारा वरिष्ठ संगीतकार बास्कोटाकी नातिनी हुन् । म्यूजिक भिडियोमा गायक करण सगै चर्चित कलाकार मोडल, नायिका सुजल बम र गायिका, मोडल एवं अन्तराष्ट्रिय स्वर्ण पदक विजेता तेक्वाण्डो खेलाडी नन्दा बस्यालको अभिनय गरेका छन् । म्यूजिक भिडियोको निर्देशन चर्चित कोरियोग्राफÞर मौसम हिमालीको रहेको छ ।